646. Martin McGuinness 1950-2017

Gaol ag mo mháthair le muintir McGuinness: iad a bhí sa bhanna ceoil McGuinness Flint. Níl ‘fhios agam an raibh gaol aici le Máirtín.

Mar eagarthóir chonaic Daidí níos mó ná taobh amháin den scéal sa ghleic ó thuaidh is bhí bagairt nó dhó ag an doras is muid óg ó dhaoine is baint acu leis Na Trioblóidí.

Lean mé é. Lean sé mé. Sin mar atá rudaí ar Twitter. Seans aithne a chur ar dhaoine.

Neart a tharla in aimsir Na Trioblóidí nár thuigeamar i gceart is muid ag fáil leagan an mBBC den scéal. Bhí Montrose ag déanamh aithris ar an mBeeb ag iarraidh bheith chomh maith leo, dar leo. Ní dheachaigh mé ó thuaidh an tráth sin. Bhí Gaeilge ar mo charr. Bheinn i mbaol.

I bhfad níos mó ar eolas anois faoi a tharla i ndáiríre an uair úd. Go tobann, i 1994 bhí siad ar an nuacht. Na fir sin. Duine nach raibh cead againn a ghuth a chloisteáil is Máirtín lena thaobh. Fós níorbh ‘fhios dúinn céard ba chóir dúinn smaoineamh faoi.

Nuair a thug siad an roinn oideachais dó, tháinig feabhas ar an roinn. Neart múinteoirí is príomhoidí a dhún an doras ina aghaidh at dtús. Ach níor éirigh sé as. Is rinne sé jab maith.

D’athain a naimhde an luach a bhí ann mar dhuine is thug said meas dó.

Píosa deas ag an mBBC faoi anseo

Comhbhrón lena mhuintir is cairde. Tá mé den tuairim go ndearna sé an rud ceart sa deireadh agus go bhfuil an tír i bhfad níos fearr as mar gheall air.

Pics thíos ó Belfast Live

A scéal féin, dar leis féin.

Scríobh an Bhanríon Shasanach chuig a bhean chéile le comhbhrón, tháinig Bill Clinton ag an sochraid, mhol tiarnaí i Sasana é is dúirt duine acu, Tiocfaidh ár lá. Aontaigh sé daoine. Drogall in Éirinn sa deisceart an ómós céanna a thabhairt dó, bh’fhéidir mar tá náire orainn. Bhí muid sásta go rabhamar saor is bhí sé níos éasca gan a bheith ag smaoineamh faoin tuaisceart. Cibé cúis, in am dearmad a dhéanamh air agus aontú mar oileán amháin le cearta is síocháin. Brónach inniu ach tagaimís le chéile mar tá dóchas ann. Rinne sé é sin dúinn.

Pic thíos ón Derry Journal

Mar a chuimhníonn daoine ar laoch.Seo a dúirt Bill Clinton faoi

Amhrán na bhFiann sa reilig

645. Dramhaíl Dhearóil

Tháinig Kenny go SAM le bualadh le Trump. Bhí mé ar buile faoi ACH bhí óráid an-mhaith ag Enda réidh don ócáid.

Tagann an frása wretched refuse ó dhán le Emma Lazarus. Dán atá le léamh ar Dhealbh na Saoirse. Tagairt do na hinimircigh atá ann. Bruscar suarach, wretched refuse: fanann dochar imipiriúlachais sa chloigeann i bhfad.

Tá an fhadhb sa chloigeann. Go daingean ann. An fhadhb a chuireann drogall orainn ár dteanga féin a labhairt ar na sráideanna.

Ghoid siad, scrios siad, d’éignigh siad an chaoi inar fhéach muid orainn féin. Chreideamar a dúirt siad: go rabhamar is ár gcultúr níos lú ná iad. Mhúin siad drochmheas orainn féin dúinn.

Chreideamar nach raibh ionainn ach dramhaíl dhearóil. B’shin an tinneas ba mheasa a d’fhág siad linn.

Mar atá ar siúl ag an bhFear Oráiste faoi láthair is é ag cur síos ar inimircigh mar Bad Hombres nó éigneoirí. Mar a rinne Sasana dínn fadó á dhéanamh ag an bhfear oráiste anois d’inimircigh na tíre.

Is na milliúin sa tír seo lán le faitíos roimh ICE, rinne Kenny an rud ceart. Is táim buíoch as.

644. Tearmann Ceilteach

Chuir cairde linn, Pint of Irish, tearmann ceilteach ar siúl le déanaí is bhíomar páirteach ann leo. Seo an chéad ceann riamh agus os rud é gur bhain daoine an-taitneamh as, beidh sé ar siúl arís agus arís eile gan dabht ar bith.

Thuas sna sléibhte a bhí sé is bhí ardáthas ar dhaoine ealú ó strus an tsaoil seal. Chuaigh muidne ar strae ar dtús ach bhí seans againn sneachta a fheiceáil. I Wrightwood i gCalifornia a bhí an tearmann.

Seo mar a bhí nuair a tháinig daoine ann ar an Aoine.

Bhí rud éigin i mo shúile agam nuair a chonaic mé na fógraí as Gaeilge a rinne said don ócáid. Déanann cineáltas mar sin é sin dom scaití. Ardmheas dóibh.

Bhí Jamie (hata iontach air) agus Carol ann go luath, i bhfad romhainne. Ba shoiléir gur chuir Jean agus Diane go leor oibre isteach ann leis na bratacha agus chuile short réidh le bheith cinnte go mbainfeadh gach duine taitneamh as.

Bhí ceoltóirí den scoth ann le ceardlanna is le scéalta. Daoine maithe le croíthe móra.

Neart le foghlaim faoi gach cineál ceoil traidisiúnta. Ceol binn is scileanna den scoth thart.

Is nuair a tháinig said le chéile is seisiún ann: draíocht san aer.

Stair, cúlra, filíocht, léacht den scoth ann ó Mark Romano

Ar ndóigh, bhí teanga bhinn na Fódhla ann is muid ag caint agus ag léamh as Gaeilge.

Bhí ceardaíocht agus cluichí ann go mbeadh spraoi ag daoine. Bhain siad taitneamh astu.

Is freastal ainmhithe fiána air freisin: ina measc Tíogar agus Crogall 😉

Is san oíche, tháinig ceol, Gaeilge, agus rince le chéile ag an gCéilí is muid ag damhsa.

Chuireamar aithne ar dhaoine nua is bhí bhí cairde nua againn ag deireadh an lae.

Cuid de na daoine ag an gCéilí. Mór an phléisiúr banna ceoil mar seo a bheith againn!

Maith sibh Pint of Irish, Jean & Diane & gach duine a thug cúnamh dóibh. B’shin bua.

Sneachta ag titim = In am an bóthar a bhualadh. Nós nua i gCalifornia. Tús iontach leis.

Maith agat, Wrightwood. Tá tú álainn ar fad. Beidh muid ar ais, cinnte ♥

 

643. Can’t Stop The Feeling ♫

Amhrán Justin Timberlake as Gaeilge

Foilsithe ag TGLurgan ar dtús, Feabhra 28, 2017 le rinceoirí chúrsa B

Liricí

Tá an mothú seo go hálainn. X4
This feeling is beautiful. X4

1. Airím iontach, istigh mo chorp,
I feel wonderful, in my body,

An fuinneamh splantrach ionam nuair a chasaim ort.
The energy sparking in me when I meet you.

Is tríd na cathrach, an baile mór,
And through the city, the town,

Ag ardú suas go barr, muid dírithe insan zón.
Rising to the top, we’re set in the zone.

2. Tá an ghrian gheal i mo phóca,
The sunshine is in my pocket,

Mo chosa ag bogadh faoi.
My feet moving below.

Airím te is sona sásta is mé leat. ú!
I feel warm and content when I’m with you. Ooh!

Níl mé in ann mo chosa a stopadh, ‘bogadh leat anseo is ansiúd.
I can’t stop my feet, moving with you to and fro.

Taitnóidh an bealach seo níos fearr leat, so ná stop.
You prefer this way, so don’t stop.

3. Faoi na soilse, ag imeacht gan treo,
Under the lights going everywhere,

Áit ar bith ann, le go gcéillfí ár ngleo.
There’s nowhere to hide our rumpus.

Is an gluaiseacht dár gcosaint go deo,
With the movement shielding us forever,

Smaoinigh is samhlaigh, X2
Think and imagine X2

Curfá:

Tada riamh ‘tá romham ach tú is an damhsa, damhsa, damhsa á’ chaochadh.
Nothing ever before me but you and the dazzling dance, dance, dance.

‘Súil go luath ag tíocht i dtaobh,
Hoping soon to come along with you,

Leis an damhsa, damhsa, damhsa; gabh i leith!
With the dance, dance, dance; come on!

Gach aon rud nár cheart dom ‘bhrú,
Every single thing I shouldn’t push,

Is bí ag damhsa, damhsa, damhsa.
And dance, dance, dance.

Is ní fhágfaidh muid seo go luath so lean ortsa .
And we won’t leave soon so keep going.

Tar uait aríst linn is bí ag damhsa, damhsa, damhsa X2
Come on with us again and dance, dance, dance X2

4. ú. Tá an draíocht seo aláinn ort.
ooh This magic is beautiful on you.

‘Sé insan aer is sa bhfuil is tríd mo choirp.
It’s in the air, in the blood and trough my body.

Ní theastaíonn ciall uaim, ní theastaíonn smacht.
I don’t need a reason, don’t need control.

‘Mé thuas chomh hard gan deireadh, an lá seo ag imeacht.
I’m up so endlessly high, this day is going by.  

Véarsa 2 arís

Véarsa 3 arís

Curfá

Tar uait aríst linn is bí ag damhsa, damhsa, damhsa X2
Come on with us again and dance, dance, dance X2

Tá an mothú seo go hálainn. X8
This feeling is beautiful. X8

 

 

642. Lá na mBan

Lá na mBan Sona daoibh. Meas do na mná ar fud an domhain. Cearta dóibh freisin.

 

641. Ó Éirí go Luí na Gréine

Éiríonn an ghrian sa tSeapáin agus téann sí a luí in iarthar na hÉireann. In ainneoin an turas fada idir na tíortha, tá stair fhada d’Éireannaigh a d’imigh go dtí an tSeapáin is a d’fhág a rian ar an tír sin. Inniu i mBrendan’s in Agoura tá an tSeapáin agus Éire ag teacht le chéile le Pop-up Ramen anseo. Mar sin, thosaigh mé ag caint le daoine anseo faoin ngaol idir na tíortha.

 

1704	D’éalaigh Robert Jansen, ó Phort Láirge ón Dutch East India Company. D’éirigh leis dul go cósta Kyushu.
1864	Chuaigh Thomas James Waters, ó Bhiorra, Uibh Fhailí go dtí an tSeapáin i 1842 agus d’fhan sé ann go 1877.
1868	Chuaigh John W.Fenton, a rugadh i  gCionn tSáile, Corcaigh go Yokohama. Máistir banna a bhí ann le arm na Breataine.
1869	Chum Fenton an chéad leagan de Kimi ga Yo, amhrán náisiúnta na tíre.
1871	B’é  Thomas James Waters a dhear muileann an airgid don tír in Osaka
1872	Sheol rialtas na Seapáine Misean Iwakura, thar 100 dalta agus saineolaí go Baile Átha Cliath le foghlaim faoin gcóras oideachais & tecineolaíochta.	Leigh
1873	Nuair a scriosadh Ginza i dtine i 1872, d’iarr siad ar Thomas James Waters dearadh a dhéanamh do shráideanna nua. Mar sin tá foirgnimh ansin at nós na cinn i mBaile Átha Cliath.
1882	Rugadh Charles Dickinson West i mBaile Átha Cliath  i 1842. Fostaíodh é ag Rialtas na Seapáine mar chomhairleoir eachtrannach le meicnic innill gaile, líníocht mheicniúil, , innealtóireacht , agus ailitireacht cabhlaigh ag Ollscoil Tokyo.
1890	Chuaigh Lafcadio Hearn go Yokohama, Fuair sé post mar mhúinteoir  i Matsue.
1891	Phós Lafcadio Hearn is thóg sé ainm nua: Koizumi Yakumo.	Níos mó faoi Lafcadio
1894	D’oibrigh Koizumi mar iriseoir i gKobe
1897	ó Koizumi d’fhoghlaimíomar an focal Tsunami
1896	Thosaigh Koizumi ag múineadh litríocht ag Ollscoil Tokyo
1904	Fuair Koizumi (54) bás i dTokyo.
1906	Thóg William Thomas Grey, ball d’fhoireann haca Coláiste na Trionóide an cluiche sin don tír.
1914	Bunaíodh Cumann Hearn  i Matsue
1957	Márta 5 Bunaíodh gaol taidhleoireachta foirmeálta idir Éirinn agus An tSeapáin
1963	Bunaíodh Cumann An tSeapáin – Éire
1964	Osclaíodh Ambasáid na Seapáine I mBaile Átha Cliath
	Tógann Sapporo Breweries  Guinness go dtí an tír
1965	Bunaíodh Cumann Yeats na Seapáine
1971	Bunaíodh Cumann Bernard Shaw na Seapáine
1973	Osclaíodh Ambasáid na hÉireann i dTokyo
	Japan Ireland Economic Association (JIEA) bunaithe
1974	Craobh de Chóras Tráchtála bunaithe i dTokyo Rory Gallagher ag seinm sa tír
1975	Bunaíodh Cumann Oscar Wilde
1976	Craobh ag IDA I dTokyo
1980	Thin Lizzy ag seinm sa tír
1983	Thug an tUachtarán Hillery cuairt ar an tír U2 ag seinm sa tír
1984	Clár Céimí Thar Lear bunaithe. Téann an chéad ochtar go dtí an tSeapáin. Níos mó ná 700 sa chlár sin ó shin a d’imigh ann.	M’fhear céile ina measc sa chéad grúpa. Chuamar ann is rugadh m’iníon ann. Tháinig mo mhac abhaile le Seapáinis amháin.
1985	Tugann an Prionsa agus an Bhanprionsa cuairt ar Éirinn
1986	Yamanouchi Pharmaceutical Co. (Astellas) bunaithe in Éirinn
1987	INJ bunaithe
1988	Tagann an chéad grúpa de JET go dtí an tír. 1000+ imithe ann ó shin.
1989	Tugann an Taoiseach Charlie Haughey cuairt ar an tír
	Bunaíodh Cumann James Joyce Society na Seapáine
1990	Fujisawa Pharma bunaithe in Éirinn, My Left Foot sa tSeapáin
1991	Osclaítear an chéad pub Éireannach in Osaka The Commitments sa tSeapáin
	CCE Japan bunaithe Hothouse Flowers ag seinm sa tír
	The Chieftains ag seinm sa tír
1992	An Chéad Mórshiúl Lá ‘Le Padraig san Ásia i dTokyo
	Far and Away, Patriot Games, Dracula sa tír
	An Chéad Cluiche Ghaelach sa tír ag Lá Spórt INJ
	An Chéad Féile Cheilteach sa tír
1993	An chéad seó ag imreoirí INJ Hibernian
	Bunaíodh The Ireland Fund of Japan (IFJ) agus Emerald Ball
	Bunaíodh Cumann Peile Kanto Celts
1994	Bunaíodh Cumann Cheilteach na Seapáine
	In the Name of the Father Interview with a Vampire sa tír
1995	An Chéad  Pub Éireannach oscailte I dTokyo i Roppong le Guinness ó Bhaile Átha Cliath Na Cranberries ag seinm sa tír
	Thug an tUachtarán Mary Robinson cuairt ar an tír
1996	Clannad ag canadh sa tír
	Bunaíodh Cumann Cultúr na hÉireann The Corrs ag seinm sa tír
	Thug an Taoiseach John Bruton cuairt ar an tír
1997	Scríobh Isao Moriyasu (Tokyo Shoseki) faoi taisteal in Éirinn An scannán Michael Collins sa tír
	An scannán Titanic sa tír
	Banna Ceoil Yer Mot’s a Dog ó Tokyo ag seinm The Boxer & The Devil’s Own sa tír
	Takeda Ireland Teo bunaithe in Éirinn
1998	Duais buaite ag Enya sa tír
	Altan ag seinm sa tír
	CLG Japan bunaithe go hoifigiúil U2 ag seinm sa tír
	Bunaíodh Enterprise Ireland
	Scríobh  Rieko Yamashita (Tokyo Shoseki) leabhar Crazy About Dancing in Ireland faoi Rince na hÉireann
1999	Rós ón tSeapáin sa chomórtas  Rose of Tralee .
	Riverdance ag damhsa sa tír
2000	Bua ag an tSeapáin sa chéad comórtas Cluichí Asian Gaelic
	Angela’s Ashes sa tír
	Tagann foireann rugbaí na Seapáine go hÉirinn
2001	Westlife ag seinm sa tír
2002	Cuireann Izumo & Chiba fáilte roimh foireann na hÉireann don Chorn Domhanda
	Bua ag Ralph Firman sa Rás Nippon Championship
2003	Tháinig foireann Seapánach go hÉirinn do na Cluichí Oilipeacha Speisialta
	The Magdalene Sisters is In America sa tír
	Níos mó pubanna Éirannacha sa tír
	An Chéad Mórshiúl Lá ‘Le Padraig i Kyoto
2004	An chéad Féile Traid Éireannach
	Tháinig foireann sacair Éireannach  U-16 ag imirt sa tír.
	Thug an Taoiseach Bertie Ahern cuairt ar an tír.
	An Chéad Mórshiúl Lá ‘Le Padraig i Yokohama & Ise
2005	Thug an t-Uachtarán President Mary McAleese cuairt ar an tír
	D’imir Foireann Rugbaí na hÉireann cluiche sa tír
	Thug an tImpire & an Bhanimpire Cuairt ar Éirinn
	The Pogues ag seinm sa tír
	An Chéad Mórshiúl Lá ‘Le Padraig i Nagoya
2006	An Chéad Mórshiúl Lá ‘Le Padraig i Sendai
	Scannáin sa tSeapáin:
	The Wind that Shakes the Barley sa tSeapáin
	Breakfast on Pluto sa tSeapáin
	Once sa tSeapáin
2007	50 bliain ó thosaíodh an gaol taidhleoireachta Túr Tokyo  &, Ise Torii srl glas leis an ócáid a chomóradh
	Víosa samhraidh ceadaithe le bheith ag obair in Éirinn nó sa tSeapáin. Malartú daoine óga idir na tíortha
	An Chéad Mórshiúl Lá ‘Le Padraig I Matsue/Kumamoto/Okinawa
2008	An Chéad Mórshiúl, Lá ‘le Pádraig i Tsukuba
	Tógann Ireland Japan Chamber of Commerce (IJCC) áit  JIEA
2009	Thus an Taoiseach Brian Cowen cuairt ar an tír.
	An Chéad Céilí Cheilteach	Kanagawa
2010	An Chéad Féile Rory Gallagher sa tír
	Thug an Bhanprionsa Mako Cuairt ar an tír le Béarla a fhoghlaim ag UCD
2011	An Chéad Mórshiúl, Lá ‘le Pádraig in Osaka, Féile Éireannach i gKyoto Cuireadh imeachtaí at ceal mar gheall ar thubaiste Tohoku

Leigh níos mó as Béarla anseo.

Seo fís greannmhar as Béarla faoi stair na tíre:

 

 

640. Éiriu gan Lúireach

 

Náire? Uafás? Paidir do na leanaí i dTuaim?

Mór an trua gur chaith ‘Naomh’ Padraig lúireach.

Níor thuig a phaidir, St. Patrick’s Breastplate, daonnacht.

Cérbh iad a naimhde go raibh lúireach de dhíth aige?

B’fhearr ligint don chroí bheith oscailte do dhaoine.

 

Ná tabhair meas do Columbus i SAM. Féach a tharla do na dúchasaigh.

Anseo, tá muid ag deighleáil le dochar i ndiaidh a rinne Pádraig.

Tharraing sé impiriúlachas na Vatacáine orainn

is tá na cnámha fúinn ag insint an feall sin anois.

Seo paidir nua.: