buíochas le @AnDuinnineach
Advertisements
Archives
All posts for the month May, 2017
Inniu an lá.
Ár gcearta uainn.
Ár dtír, ár dteanga, ár ndúchas.
Bealtaine. Nuair a théann muid ó dhorchadas go gile. Sin a tharla. Seachtain roimhe, bhí cúrsaí dorcha. Bhí mé ag ceapadh nach mbeadh an Deireadh Seachtaine Gaeltachta ag dul ar aghaidh.
Mar a bhíonn sé is daoine ag eagrú rud ar bith, bíonn deacrachtaí ann. Sin an saol. Rudaí ar chóir dóibh bheith ag obair nach bhfuil ag obair. Míthuiscintí srl.
Ach feicthe agam go bhfuil rud atá i bhfad níos cumhachtaí ná na trioblóidí beaga seo ar fad: sin na Gaeil is iad a thugann meas dár gcultúr. Bhí an Deireadh Seachtaine Gaeltachta níos fearr i mbliana mar gheall ar na dúshláin, na deacrachtaí, na constaicí. Ait an mac… Gach uair a thit rud amach, tháinig daoine le chéile le fuinneamh, le grá, le tuiscint, le cion, le cumhacht, le draíocht, le anam na nGael. Seo Imelda le Tyler!
Cairdeas!
Bhí daoine nach raibh in ann teacht. Sin an saol freisin. Míthuiscint leis an dáta is bhí orainn bogadh ó áit go háit. Tarlaíonn sé. Theip ar an gcuisneoir is an micreathonnán is bhí orainn bia a chaitheamh amach. C’est la vie. Ceachtanna foghlamtha. Beidh áit nua againn i 2018! Agus bia níos fearr le rogha do na veigeatóirí srl. Agus i bhfad níos mó … Ach sin scéal eile.
Ach mar gheall ar sin, d’aithríomar na pleananna. Chuamar go háiteacha nua is bhí craic againn ann, as Gaeilge. Is maith sin.
Tá a rithim féin ag an saol agus aithníonn daoine sin. Glaoch ó Thaidhg: an bhféadfainn cabhrú libh? Táim saor ar an Satharn. Is laoch é, ár dTaidhg. Nuacht faoi chlub iománaíochta nua agus rphost chuig an lead i gceannas air: an bhféadfadh sibh…? Cinnte. Is tháinig daoine. Tháinig Galt is Audrey is Conall, bail ó na Déithe orthu.
Tháinig daoine nár bhuail mé leo riamh roimhe seo is tháinig seanchairde. Tháing siad le chéile ag iompar málaí dúinn, ag seinnt ag an gcéilí dúinn, ag déanamh aráin dúinn, ag cniotáil don chrannchur dúinn, ag comhoibriú nuair a bhí rud le sortáil amach.
Is ag an deireadh an lae, bhí ionadh orm. Féach a rinne siad! Ar bhealach, bhí sé níos fearr mar bhí orainn tarraingt le chéile ar nós bheith ag rámhaíocht le chéile i rásaí na mbád trasna na dtonnta agus áthas orainn ag an deireadh. Bhí an bua againn.
Mo laochra ♥
Is ó am go ham, chonaic mé an draíocht ag tarlú. Chuir mé mo chloigeann isteach i seomraí ranga eile is chonaic mé é. D’airigh mé é is mé amuigh faoin spéir sa pháirc is camán i mo lámh agam. D’airigh mé bród is daoine ag damhsa ag an gCéilí.
Conas?
Bailigh daoine le chéile, cuir rudaí amach dóibh agus lig dóibh spraoi leo. Lig dóibh rudaí a fhoghlaim trí rudaí a dhéanamh. Ná habair é, déan é. Le rogha agus spraoi. Creid is cruthaigh, Cuid de na rudaí a rinneamar…
Cluichí: Crosfhocail, Scrabble, Snap – déanta
Ceardaíocht: Snaidhm na Trionóide, Snaidhm Ceilteach, Cabhraíocht – déanta
Ceol: Cláirseach, Ceol ag an gCéilí, Amhránaíocht – déanta
Spórt: Iománaíocht, Rince, Siúlóid – déanta
Iománaíocht
Rince
Siúlóid
Gaeilge san aer is muid ag féachaint go barr na spéire
Scéal faoin eaglais agus Nat King Cole
Craic: Lúibíní léite, Dánta ráite, Cultúr Club seolta ♫
Tháinig siad. Chabhraigh siad. Ghlac siad páirt ann. D’fhoghlaim siad le spraoi.
Bhí an dorchadas imithe. Tháinig an ghrian amach agus, ar ndóigh, thugamar féin an samhradh linn.
Fós ag foghlaim faoina tharla. Beidh áit nua againn an bhliain seo chugainn. Mar sin, bígí ag pleanáil. Spás anseo má tá daoine ó Éirinn ag iarraidh Gaeilge a fhloghlaim i gCathair na nAingeal i mBealtaine i 2018. Teas. Grian. Craic. Cuir ar an bhféilire é!
Gabhann Conradh na Gaeilge, Craobh na nAingeal buíochas ó chroí le chuile dhuine a chabhraigh linn le Deireadh Seachtaine Gaeltachta den scoth a bheith againn.
Fíorghaeil ♥
Rún an Mháthairín
A rí na gile, a rí na gréine, a rí na reann, a rí na réalta,
A rí na cruinne, a rí na spéire: is álainn do ghnúis, a léas aoibheann.
Dhá léas shíoda thíos ar do ghéaga, craiceann mín; uscar buí
Agus dúileach as gach sáigh dóibh.
Ní féidir liom bheith libh ach seo amhrán don Lá Dearg ♫ le ceol ó Elton John má tá sé agaibh.
- Lá Dearg le crogall glas.
Sinne crogaill. Tá muid ag fás.
Seo linn le rá os ard.
Tugtha le fios: ACHT na Gaeilge Anois!
- Gan Acht táimid dearg le fearg.
Éist, Arlene, níl ár dteanga marbh
Is cuma céard a deireann tú, Arlene.
Daoine nó crogaill: tá Gaeilge againn.
Curfá
Bheul,
Deir na crogaill: Acht Anois!
Dár dteanga álainn bheo.
Níl teanga eile atá pioc níos fearr is mar sin a bheas go deo ó ó X2
Labhair, labhair Gaeilge linn. Labhair Gaeilge linn, Labhair Gaeilge linne, linne, linne
1 & 2 & 3 arís
Arís is arís eile
Bhí craic againn ag an Deireadh Seachtaine Gaeltachta i gCathair na nAingeal! Maith sibh, gach daoine ag canadh anseo. Cuid acu ar leibhéal 1! Féir plé! Bródúil asaibh ar fad!
Tá ár dtéama ♫ againn do Chultúr Club anois ☺ GRMMA
Chasamar seo ag Deireadh Seachtaine Gaeltachta LA 17
Tabhair dom am mo choir a aimsiú. Goid is grá? ‘Cead ‘am…
Dhamhsaigh mé istigh id’ shúile. Conas mé ‘bheith ann?
Curfá 1
‘Tú ag iarraidh mé a ghortú? Tú ag iarraidh mé a chur ag gol?
Póigíní ‘s focail do mo chrá anois. Ní iarrann leannáin riamh cén fáth.
1. I mo chroí tá tine ag dó. Aimsigh réalt. Roghnaigh an t-ór.
Insíonn daoine atá nósach [dom]: Seo’d anois, sin céim thar fóir.
Curfá 2
‘Tú ag iarraidh mé a ghortú? ‘Tú ag iarraidh mé a chur ag gol? X2
2. Ní mó focail atá ráite. Míle bliain caite gan treo.
Sáite i mbrón, níl ciall ag tada. Tar isteach is tóg mo dheor’
3. Tú ag caint is caint ach creid mé, más fíor é nach bhfuil ‘fhios ‘at grá.
Níl cúis ‘amsa le bheith i ngrá leat, Mé réidh anois le slán a rá.
4. Más grá ‘tá uait is tú liomsa, bhuel tóg leat é gan stró.
Ní fheiceann tú gach rud atá ann. Muid ag scaradh anois, ochón.
Curfá 2
Tú ag iarraidh mé a ghortú? Tú ag iarraidh mé a chur ag gol? X2
X3
GRMA, Gaeltaght
1.– Na Forainmneacha Pearsanta sa leagan simplí acu.
| mee | mé | shin | muid / sinn |
| oo | tú / thú | shiu | sibh |
| eh | sé / é | ad | siad / iad |
| ee | sí / í |
2.– An Briathar “bí.”
Aimsir láithreach, leagan dearfach ta.
| Ta mee | Tá mé | Ta shin | Tá muid |
| T’ou | Tá tú | Ta shiu | Tá sibh |
| T’eh | Tá sé | T’ad | Tá siad |
| T’ee | Tá sí |
3.– Aimsir láithreach, leagan ceisteach vel .
| Vel mee? | An bhfuil mé? | Vel shin? | An bhfuil muid? |
| Vel oo? | An bhfuil tú? | Vel shiu? | An bhfuil sibh? |
| Vel eh? | An bhfuil sé? | Vel ad? | An bhfuil siad? |
| Vel ee? | An bhfuil sí? |
4.– Aimsir láithreach, diúltach.
| Cha nel mee | Níl mé | Cha nel shin | Níl muid |
| Cha nel oo | Níl tú | Cha nel shiu | Níl sibh |
| Cha nel eh | Níl sé | Cha nel ad | Níl siad |
| Cha nel ee | Níl sí |
Úsáidtear nel agus
View original post 548 more words
