Deireadh Fómhair 29, 2022, in Itaewon sa chathair Seoul sa Choiré, bhí na sluaite amuigh ar na sráideanna ag ceiliúradh Oíche Shamha. Chuala daoine ráfla go raibh ceiliúran ann agus chuir siad brú ar dhaoine os a gcomhair amach dul ar aghaidh.Sin a dúirt foinse amháin. Ach, ag féachaint air anois, is léir go raibh cúis eile leis. Bhí gach duine ag iarraidh bheith san áit chéanna mar bhí na srianta ó Covid imithe agus is deas an áit í. Bhí sráid róchúng ann agus chuaigh daoine ar mhullach a chéile san áit sin. Bhí siad brúite ar a chéile chomh docht daingean sin nach raibh daoine in ann iad a tharraingt óna chéile nuair a tháinig cúnamh ag an deireadh. Ag an bpointe seo, tá fios go bhfuair ar a laghad 149 bás agus 76 gortaithe agus tá siad ag cepadh go mbeidh na huimhreacha sin ag ardú go tapaidh. Oíche a thosaigh mar spraoi is a d’athraigh go tragóid i bpreabadh na súl.
Bhí timpeall 100,000 ag freastal ar an bhféile seo. Bhí daoine ag ceapadh go raibh siad slán arís i ndiaidh Covid agus dúradh nach raibh gá le maisc ag an ócáid seo. Bhí áthas san aer ag tús na hócáide. Daoine óga gléasta le Oíche Shamhna a cheiliúradh is iad ag siúl ar na sráideanna in Itaewon le giondar san aer. Timpeall 10:20 in (am áitiúil) san áit ina bhfuil lána in aice leis an óstán Hamilton, dúradh go raibh ráfla ann go raibh ceiliúran thart is bhí fonn ar an iomarca ann dul isteach sa chlub Atelier le feiceáil an raibh an duine sin ann i ndáiríre. Níl a fhios agam an fíor nó bréagach é ach is léir anois nach stampede a bhí ann ach rud eile ar fad.
Tá an cuma air go bhfuair go leor daoine sa lána cúng bás. Ní raibh an lána ach 45 meadar ar fad is 4 meadar ar leithead. Bhí daoine ag bascadh agus ag brú a chéile agus ní raibh éalú ann dóibh sa lána. Bhí sé chomh cúng sin nach raibh na seirbhísí éigeandála in ann teacht isteach ann. Is fiú nuair a tháinig daoine le cabhrú, bhí sé deacair daoine a scaradh óna chéile mar bhí siad i bhfostú chomh docht sin. Ní raibh daoine in ann anáil a tharraingt agus is iomaí duine a fuair bás ó thaom croí nó aisficse dá bharr. Ach fiú ar an mbóthar níos leithne, bhí an iomarca ann.
Tharla seo cheana sa stair.
Dlús, an fhadhb. Nuair a bhíonn níos mó ná ceathrar nó cúigear i spás 1m2 , bíonn an brú rómhór is tarlaíonn intitim. Ach tá an cosúlacht sa chás seo go raibh suas go naonúr i spás 1m2 is sa chás sin, ní intitim a tharlaíonn ach daoine brúite go dtí an bpointe nach bhfuil siad in ann anáil a tharraingt. Míniú anseo.
Is léir í na híomhánna le feiceáil ar Twitter go raibh an slua ar nós sruth tréan as smacht.
Chomh maith leis na paraimhíochaineoirí, bhí daoine ar thaobh an bhóthair ag iarraidh ACS (athbheochan chardascamhógach) a thabhairt do go leor, leor daoine, roinnt acu gléasta d’Oíche Shamhna fós. Iad ag cabhrú lena chéile. Bhí marbháin sínte amach i líne fhada, iad clúdathe le bráillíní gorma. Daoine a bhí ag déanamh spraoi níos luaithe san oíche, marbh anois.
Seo 2022 agus guthán ag beagnach chuile dhuine. Mar sin, chonaic muid seo ag tarlú.
Íomhá a fhanann liomsa ná fear ag iarraidh daoine a tharraingt ó shlua ach teipeann air mar tá siad chomh sáite le chéile.
Ceachtanna le foghlaim, ar nós leis an Stardust i mBaile Átha Cliath agus anois, níl ann ach croíthe briste. Tá an domhan libh anocht. Airímid bhur bpian. Deora ar fud an domhain daoibh. Muid ag iarraidh grá a sheoladh le croíthe is le focail ach ní leor sin.
ancroiait 