672. Cén Maitheas i nDaonlathas?

Is Treise na Daoine ná an Tiarna (Taoiseach, Tóraí, Tíoránach)

ach Is Treise an Córas ná na Daoine

Cheap mé go raibh maitheas i ndaonlathas. Chreid mé go láidir ann. Fós níor mhaith liom a ceapadh nach bhfuil. B’fhearr liom a rá nach bhfuil daonlathas againn in Éirinn, i SAM, ná san Ríocht Aontaithe. Sin feicthe agam.

Tá comharsana agam anseo atá aerach. Is breá liom iad. Mná lách, cairdiúil, cliste a bhíonn ag caint liom faoi scannáin, an Nádúr, cúrsaí polaitíochta srl. Is a madra ag éalú amach le dul ag súgradh le mo mhadra inné, rith Lisa, duine acu, i mo threo ag glaoch amach go hard le gliondar. Isn’t it wonderful! Céard? Ireland! You elected a gay immigrant as your leader! Osna. Is bhí orm an fhírinne a mhíniú di.

Níor roghnaigh mé Leo. Níor roghnaigh an chuid is mó dá pháirtí féin é. Níor roghnaigh an tír é. Tá na meáin i ngrá leis. Scéal iontach. As tír isteach ag socrú isteach, ár Leo?  Fíor gur tháinig a mhuintir ón India. Is maith sin. Aerach go hoscailte? Fíor agus is maith sin. Sláintiúil. An duine ceart don tír? A dhiabhail, NO!

Níl sé ar son cearta na mban: ní cheadódh sé tobscar toirchis fiú do bhean nó cailín éignithe! É sásta le paidreacha sa Dáil, an Angelus ar na meáin, oideachas agus sláinte i lámha na hEaglaise, ospidéal a bhronnadh ar mhná rialta na Magdalenes srl. Aineolas v eolas sa chóras sin. Beag tuiscint ar ná trua aige do na boicht. Sin Éire. Níor roghnaíomar é agus níl rogha againn. Fós. Le fada. Sa chaoi nach bhfuil rogha i ndáiríre ag páistí i scoileanna ach a bpaidreacha a rá. Seo nóiméad fíorthábhachtach don tír. Ní duine mar seo atá de dhíth.

Damn! ar sí. I was so happy! Bhuel. Sin é. Muid ar fad happy nuair nach bhfuil fhios againn go dtí go bhfuil fhios againn. Bhí na madraí happy ag súgradh ar aon nós. Nach aoibheann dóibh!

Agus SAM? Trump. D’fhéadfainn stopadh ansin. Ach is fiú trácht ar cén chaoi agus cén fáth. Níor roghnaigh an chuid is mó den tír é. Thug na meáin go leor, leor ama dó mar bhí sé ar nós breathnú ar fhear grinn sa sorcas. Chomh huafásach sin go raibh sé go maith do na ratings. Uafásach i ndáiríre don tír is don domhan, ar ndóigh. Is cuma leis faoi chearta na mban (meas ar bith aige orthu), ba bhreá leis na scoileanna a thabhairt d’Eaglaisí ($$$), tuiscint ar bith ar ná trua aige do na boicht (is fuath leis iad).  Aineolas faoin dtimpeallacht srl.

Agus an Ríocht ‘Aontaithe’? Níor roghnaigh na daoine May. Roghnaigh an páirtí í. Tháinig grúpa beag nua (UKIP) isteach le bréaga agus thug na meáin go leor, leor ama dóibh mar bhí siad craiceáilte. Go maith do na ratings. May ansin anois le obair UKIP (Sasamach) a chur i bhfeidhm.

Is bhí sí ag ceapadh go mbeadh daoine léi nuair a thug sí cuairt ar Trump, go mbeadh cumhacht aici. Nuair nár oibrigh sin amach, roghnaigh sí toghchán. Roghnaigh na daoine athrú. Bhí orthu Corbyn a roghnú le feabhas a chur ar an scéal. Ba bheag nár bhris an BBC agus meáin eile Corbyn le bréaga. Ach sheas sé an fód. Bhain siad an tromlach ó na Tóraithe in ainneoin a rinne na meáin.

Ach céard a thit amach? Iad a chuaigh go Labor in Albain le tacaíocht a thabhairt do Corbyn, ghoid siad cumhacht ón SNP.  Mór an trua nach raibh rabhadh faoi sin roimh réidh. Níor smaoinigh daoine fiú go bhféadfadh May cumhacht a thabhairt don DUP lena cumhacht féin a shábháil. Cumhacht do Foster!

Céard atá cearr leis an DUP? an cheist i Sasana ó dhaoine nár fiú chuala fúthu cheana. Bhuel, is cuma leis an DUP faoi chearta na mban (meas ar bith aige orthu), ba bhreá leis scoileanna a mhúineann aineolas bunúsach ón mBíobla, tuiscint ar bith ar ná trua ag an DUP do na boicht (is fuath leis iad).  Aineolas faoin dtimpeallacht srl.

Ar a laghad, foghlaimeoidh daoine i Sasana cé chomh huafásach is atá naimhide Shinn Féin anois. ACH, cé gur roghnaigh daoine athrú de réir Corbyn, beidh an bua ag aineolas, fuath ban, cumhacht na hEaglaise, agus drochmheas ar na boicht. Tá an córas atá againn (Daonlathas mar dhea) ann le cumhacht a chosaint dóibh siúd a scríobh na rialacha. Ní daonlathas é.

Is mé ag caint le daltaí ón Araib Shádach is ag breathnú ar chlárachaí ar nós The Handmaid’s Tale, tagann sé chugham go mba chóir dúinn breathnú ar na bunúsachaí atá inár measc le fada: Eaglaisí agus fuathghrúpaí. Scar iad ón rialtas go hiomlán. Coinnigh amach ó Oideachas iad. Ní féidir linn an scéal a bheith againn i gceart go dtí go bhfuil cearta chun tosaigh sa tír, go bhfuil oideachas saor ó iompúchán agus aineolas, go bhfuil na meáin freagrach agus cosc ar bholscaireacht. Go bhfuil cothrom na féinne ann. Go roghnaíonn an tír, ní páirtí, na ceannairí. Athraigh an córas. An duine mícheart ar bharr is titeann gach rud as a chéile.

Níl mé ag iarraidh go mbeidh an ceart ag Star Trek. Saoirse bainte amach againn as seo amach le foréigean, dar leo. Ní shin an bealach atá uaim. Ceartaigh an córas. Deireadh le Dialathas, Fuathghrúpaí, Meáin Lofa… Daonlathas uaim. Daoine ag vótáil a thuigeann cearta. Rudaí nach bhfuil ag obair faoi láthair. Caithfear sin a dheisiú.

Seo an chontúirt

 

 

669. Rogha in aghaidh Rogha

Nóta: Ach tabharfaidh mé seans dár bpolaiteoirí ar dtús, scríofa agam thíos. Nuacht anois go mbeidh reifreann faoi ochtú leasú againn i 2018. Más fíor, sin céim sa treo ceart agus molaim é.

Tá Taoiseach nua tofa in Éirinn ach, ar nós Trump anseo, ní hé mo cheannaire é. Tá na meáin i ngrá leis mar tá sé aerach go hoscailte agus tháinig a mhuintir ón India. Is maith sin ach ní leor é. Ní leor é sa chaoi go bhfuil bean uainn mar uachtarán i SAM ach, ar son Dé, ná roghnaigh Sarah Palin ná Ann Coulter. Níor roghnaigh an tromlach Leo Varadkar. Ní maith leis rogha do bhean. Mar sin roghnaigh siad an duine mícheart don jab. Is cuma cé as a thagann an duine ceart, cén creideamh atá acu, cén inscine atá acu srl. Má thuigeann siad cearta daonna is má stiúrann siad an tír sa treo ceart, sin atá ag taisteáil.

Fíorthábhachtach anois go háirithe. Deis saoirse a bhaint amach. An treo ceart de dhíth agus sin tír le cearta, tír le tuiscint, tír le croí.

Tír gan rogha ina bhronntar ospidéil is scoileanna don Eaglais a ghoid is a dhíol leanaí.

Cearta uimhir a haon ar an liosta. Is sin an fhadhb le Leo. Ní thuigeann sé cearta a bhaineann le mná ná le ceartas soisíalta. Seo an t-am is tábhachtaí don tír seo. Tá deis Éire a chur ar ais le chéile gan foréigean, buíochas le Sasamach. An chéad rud ar an liosta le déanamh ná Stát agus Eaglais a scaradh. Caithfidh muid a thaispeáint go bhfuil fáilte roimh chearta daonna sa tír ar son na tíre féin agus leis an tuaisceart a mhealladh le haontú linn. Is le Sasamach, le Theresa May ag déanamh praiseach de gach rud, le tuiscint nach bagairt í Gaeilge ná cultúr, tá muid beagnach ag an bpointe sin. Mór an trua go bhfuil Leo agus a pháirtí ag milleadh an deis sin.

Nicola Sturgeon le scéim boscaí lán le riachtanaisí do leanaí a thabhairt do mháithreacha.

Thaispeáin Nicola Sturgeon go dtuigeann sí cearta agus go bhfuil siad ar fáil ina tír: go bhfuil fáilte roimh chuile dhuine, go bhfuil an timpeallacht, eolaíocht, sláinte srl tábhachtach di. Ní thuigeann Fine Gael sin nó is cuma leo. In áit a thaispeáint nach mbeidh iompúchán in oideachas as seo amach agus go mbeidh sláinte is oideachas saor ón Eaglais is Ethos, tá Fine Gael ag iarraidh paidreacha sa Dáil, gan na Tuam Babies a fhiosrú, is ospidéal a bhronnadh do mhná rialta na Magdalenes! Is níl siad ag iarraidh caint ar thobscar toirchis (abortion). Rinne Coveney caint ar bheith Pro-life (Frith-rogha) is dúirt Leo go raibh sé i gcoinne Abortion On Demand ag taispeáint a dhrochmheas ar mhná agus a aineolas ar an ábhar in aon frása amháin. Is cuma leis má tá duine nó páiste éignithe.

Is féidir liom tacaíocht a thabhairt do dhaoine gan mórán taithí má fheicim go bhfuil a gcroíthe san áit ceart is iad go maith ag foghlaim atá ag taisteáil. Ní fheicim sin i Leo. Ní thuigeann sé cruachás na mban ná cruachás na mbocht agus tá sé deacair a chroí a aimsiú sa chaoi ina labhraíonn sé fúthú. Leigh faoi anseo.

Ag an bpointe seo, b’fhearr liom Aontas Gaelach is Nicola i gceannas orainn:

Ach tabharfaidh mé seans dár bpolaiteoirí ar dtús. Tuigimid atá le déanamh. Taispeáin don tuaisceart nach leis an Vatacáin muid níos mó. Mar is leo muid anois. An bhfuil páirtí ar bith sásta a rá go poiblí go scarfaidh siad Stát & Eaglais i mbliana? Muna bhfuil, ní fiú tada iad mar tá siad ag milleadh an deis is fearr againn riamh le SAOIRSE a bhaint amach. Mé ag fanacht ar fhreagra ó na páirtithe. Ach tá deifir ar an tír agus ní thiocfaidh deis mar seo arís.

Má theipeann ar gach páirtí  an freagra ceart a thabhairt ar seo, tá páirtí nua de dhíth. Bímis réidh.

 

668. Finné v Gnéasachas

Izzy Kamikazi a scríobh.
Ní bots muid. Drochmheas ar mhná a ceapadh go bhfuilimid ar fad mar an gcéanna. Drochmheas ag Kevin orainn. Tábhachtach gnéasachas a glaoch amach an uair a tharlaíonn sé, is cuma cé as a thagann sé. An-phíosa a spreagann ardmheas do Izzy, mar scríbhneoir is mar dhuine.

Feminist Ire

(Guest post by Izzy Kamikaze)

This is part of a longer (maybe much longer) work in progress about #coponcomrades – a recent social media kerfuffle here in Ireland, that seems quite instructive and worth spending more time on. I was writing Part One and Part Two at the same time, but Part Two finished itself first and so they are being published out of sequence.

The story so far is basically that a young-to-me (35ish) very effective working class male activist has published a piece in a national newspaper, decrying “identity politics” and the notion that “a straight, white male” can carry any privilege if he is also working class. Amongst other responses, a group of feminist women have signed up to a joint statement, acknowledging the disadvantage of working class men, but otherwise disagreeing.

The usual social media handbags at dawn has ensued. Two days ago, a male…

View original post 3,131 more words

666. LÁ DEARG

Inniu an lá.

Ár gcearta uainn.

Ár dtír, ár dteanga, ár ndúchas.

642. Lá na mBan

Lá na mBan Sona daoibh. Meas do na mná ar fud an domhain. Cearta dóibh freisin.

 

637. Gléasta don Uaigh: Cabhán

Feabhra 23 1943: Cailleadh 35 páiste i dtine i ndílleachtlann i gCabhán. Cailleadh duine fásta amháin ann freisin. Ba bheag nár chaill fear, John McNally, a shaol san iarracht a rinne sé an tine a mhúchadh. Rinne go leor daoine sa bhaile mór tréaniarracht dul isteach le cúnamh a thabhairt ach níor lig na mná rialta isteach iad ach amháin go mall, diaidh ar ndiaidh, is gan eolas a thabhairt dóibh cá raibh na páistí. Bhí doirse faoi ghlas ag na mná rialta.

Ba leis na Cláiríní Bochta an dhílleachtlann. Is iad a choinnigh na doirse faoi ghlas. Is iad a choinnigh na daoine amach rófhada. Is iad nár inis do dhaoine a fuair bealach isteach cá raibh na páistí. Is iad a chinnigh nach raibh na páistí gléasta i gceart le bheith feicthe ag fir a bhféadfadh iad a shábháil. Is iad a mharaigh na páistí. Tá na Cláiríní Bochta fós in Éirinn. Ní fhaca mé tada faoi Chabhán acu ar a suíomh ach, mar a deireann said go minic ann, b’fhéidir nach bhfuil ann ach go bhfuil said umhal.

Chuir an ráiteas thuas an Taliban i gcuimhne dom. Ná sábháil iad mar níl said gléasta i gceart?! Dochreidthe!

An iomarca faoi cheilt. Ní leor paidreacha. Freagracht de dhíth. Saoirse ón nDialathas atá fós i gceannas ar scoileanna is ospidéil de dhíth.

Scríobh Brian Ó Nualáin faoin tine. Thuig sé. Bhí sé ag scrúdú a tharla.

Ná dean dearmad.

633. Cuir Trump Faoi Gheasa

Dá mbeadh slat draíochta againn le Trump a stopadh!  Bhuel, ar an ábhar sin, creid, tuig, glac páirt i ndeasghnáth agus cá bhfios? Seo atá ag tarlú anocht.

Tóg sos agus lig do (na) síth…

Oíche anocht, Feabhra 24 2017, beidh mná feasa na cruinne ag comhoibriú le geas a chur ar an bhFear (nach é m’uachtarán é) Oráiste. Seasann an té gránna sin don dorchadas a chruthaíonn sé is a bhailíonn sé mór thimpeall air féin. Tá SAM agus an domhan faoi gheasa droma draíochta aige is, go dtí seo, gan éinne in ann é a stopadh. Mar sin, tá draíocht de dhíth.

Ceol don ócáid

Glac páirt ann anocht. Fiú muna gcreideann tú ann, seo teiripe dúinn ar fad atá cráite nó in ísle brí faoi láthair.

Céard is féidir le hÉireannach a dhéanamh?

Creid. Creid gur féidir difríocht a dhéanamh.

Tuig cérbh í Éiriu nó cé hí nó céard dó a sheasann sí. Tuig an meas is an chumhacht ag mná inár scéalta. Tuig go bhfuil bagairt ollmhór don mheas sin faoi láthair dúinn is dár bpáistí is do dhaoine ar fud na cruinne. Tuig gur fuath le Trump mná, eachtrannaigh, daoine gorma, giúdaigh, daoine aerach, daoine faoi mhíchumas, duine ar bith nach ngéilleann leis is nach deireann leis gur é an té is fearr ar an domhan. Tuig gur duine gan chroí ná anam é. Tuig go bhaineann sé pléisiúr as dochar a dhéanamh, as daoine a ghortú.

Glac páirt ann.

Deasghnáth

Beidh grianghraf den Trump de dhíth, ceann a léiríonn cé chomh gránna is atá sé.

É seo ms

Coinneal oráiste (ceann beag bídeach)

Muna bhfuil coinneal oráiste agat, rud eile oráiste bog ar nós cairéad óg ms

Snáthaid (le ainm a scríobh ar an gcoinneal)

Choinneal bhán (tine)

Babhla uisce (uisce)

Babhla le salann ann (talamh)

Cleite (aer)

Cipíní

Babhla le gaineamh ann (Babhla do luaith)

Má tá siad le fail, bain úsáid as an cárta seo

1. Scríobh Donald Trump ar an gcoinneal oráiste leis an snáthaid
2. Cuir gach rud eile sa liosta thuas romhat i gciorcal
3. Má tá an cárta agat, cuir ina sheasamh é (rud éigin taobh thiar de)
4. Abair paidir le cosaint a fháil ón spiorad nó dia is fearr leat (Críostaí? Salm 23?)
5. Las an choinneal bhán
6. a) Abair

Glaoim ort Donald J Trump a chur faoi gheasa go dteipe air go hiomlán, nár dhéana sé dochar d’anam daonnach ar bith ná do chrann, ainmhí, carraig, sruth, ná farraige.

b) Léigh

Cuir Faoi Gheasa é

nár bhrise sé ár bpolaití
nár ghabha sé chuige ár saoirse ná
nár líona sé ár gcloigne le fuath, mearbhall, ná éadóchas.

Cuir Faoi Gheasa, freisin
Iad ar fad a chuireann a olcas ar chumas
Agus iad a labhraíonn a bhréaga nimhneacha lena mbeola féin.

c) Abair

Agraím sibh, a spioraid,

cuir Faoi Gheasa iad ar fad
Ar nós le slabhraí iarainn
Cuibhrigh a dteangachaí mhailíseacha

Mór a dtúir mórálacha.

7. Cuir an cárta (An túr) bun os cionn.

8. Abair

Agraím tú i m’ainm (abair d’ainm go hiomlán)

In ainm iad a bhíonn ag siúl, ag ionsnámh, ag snám, ag eitilt,

na crainnte ar fad, na coillte, sruthanna, fásaigh, aibhneacha, agus farraigí

In ainm ceartais, saoirse, grá, ionannais, agus síochána.

Cuibhrigh iad le slabhraí

Cuibhrigh a dteangachaí

Cuibhrigh a saothar

Cuibhrigh a n-olcas

8. Las an ghrianghraf de Trump le bladhm ón gcoinneal oráiste agus coinnigh go cúramach é thar bhabhla do luaith

9. Dóigh an grianghraf is gáir:

Déan é gur Mar seo a bhéas! Mar seo a bhéas! Mar seo a bhéas!

Nó, más fearr leat: You’re Fired, You’re Fired, You’re Fired (Trí thine) 😉

10. Múch an choinneal oráiste ag samhlú Trump mar dheannach ag imeacht leis an ngaoth. Múch an choinneal bhán le deireadh a chur leis an ndeasghnáth.

Ina dhiaidh léim suas is síos is déan gáire mar is fuath leis sin. Cuir an choinneal oráiste sa talamh nó caith uaim é ag crosbóthar nó i sruth.

Céard atá sa gheis? Ní ionsaí ach cosaint. An chaoi ina noibríonn geis ná díríonn sé daoine ar fhoinse na faidhbe. Caithfidh daoine a thuiscint go soiléir nach bhfuil siad gan chumhacht nuair atá bagairt rompu. Go bhfuil daoine eile a thuigeann an fhadhb agus nuair a thagann daoine le chéile le guí shoiléir chumhachtach, tá seans i bhfad níos fearr acu an lámh in uachtar a fháil ar an mbagairt.

Fiú nuair nach gcreideann siad í bhfórsaí spioradálta, is léir go bhfuil tráma i SAM faoi láthair agus go bhfuilimid ar fad i gcontúirt fhad is ligtear don diabhal seo leanúint ar aghaidh. Tá na meáin ag caint leis mar uachtarán, tideal nach bhfuil tuillte aige. In am díriú ar an fhírinne. Ná ceap go bhfuil aon rud nádúrtha len atá sé ag déanamh. Ná glac leis. Ní neart go tuiscint agus go n-oibreoimis le chéile.

Cad a cheapann daoine faoin imeacht seo anocht?

Tuilleadh eolais ar Facebook